Emirül-ümera-ü'kiram kebirul-küberaül-feham zül-kadr-vel-ihtiram sahibül-izz vel-ihtisam-ül-muhattis bi-mezidül-inayet-ül-mülk-ül-ala ferikan-i kiramdan Kütahya ve Karahisar sahib-i sancaklari umur-i zabdiyesi memuri Tayyar Pasa damat-i maaliye iftihar-ul-mahid vel-ekarim cami-ul-mehamid vel-mekarim-ül-muhattis mezid-i inayet-ül-mülk-ül-daim ümera-i asakir-i müntazime-i sahanemden olub zikri ati as redife-i sahanem alayini mahallinden tahrik ve ihrac ve der-saadetime isale memur ve tayin kilinan Binbasi Ismail Aga dam-i mecde tevki-i ref-i Hümayun vasil olacak malum ola ki Anatoli ve Rumilinde kain mahallerden müretteb asakir-i redife-i sahanemin lüzumi takdirinde münavebe-i der-saadetime sair mahal ve mevaki muktezaya celb-i suallenmeleri ve bunlarin memleketlerinde bulunduklari vaktde içlerinden birisi noksan olur ise derhal digerinin yirine tahrir ile zikr olunan asakir reviza alayi ve taburlarinin daimen tamam bulunmasi müessis olan sürut ve nizamlari icabindan oldigina ve bu aralik asakir-i mezkureden birazinin bir mucib-i usul münavebe der-saadetime celbi lazim geldigine binaen bunlarin bu tarafda bulundigi müddetçe kafe-i zabitan ve neferatina tak asakir-i nizamiye-i muvazzafa misillü mahiye ve bihr-i tefrine mumiye birer gurus katik baha ve üçer yüz dirhem nan-i aziz ile birer kat elbise-i nizamiye ita olunmak üzre bazi semt ve civarda bulunanlarin celbi hususina irade-i seniyye-i mülukanem taalluk ile ol babda emr-i Hümayun sevket-makrun-i sahanem sünuh ve sudur eylemis ve mucibince Kütahyadan müretteb üç taburdan ibaret olan bir alay redif-i asakir hassa-i sahanemin topcilariyla mean mahallinden bil-istishab bu tarafa isaline muma ileyh mahsus memur ve tayin kilinmis olmagila sen ki ferik-i müsarun ileyhsin vüsul-i ferman-i alisanimda alay-i mezkur ile topcilarinin mahallinde umur-i zabtiyeye memur bulunan zabitanindan mamiden sair bil-cümle zabitan ve neferatini derhal celb ve cem iderek içlerinden noksani bulunur ise bil-emre biga olunacagi vechle derhal ahirlerini tahrir ve ikmal eyleyerek elbise ve katik bahalari bu tarafda virilmek üzre heman memur-i muma ileyh tefrikan yola ihrac ve bu tarafa irsal ve ve aramlari hususina ihtimam ve müsareat ve hilafindan ve bir güne tehir keyfiyet-i mucib-i vaz ve halet-i vukuini tecvizden tevki ve mübaat eylemek fermanim olmagin ilanen ve tenbihen isbu emr-i celil-ül-kadrim isdar ve memur-i muma ileyhle tesyar olunmusdur imdi keyfiyet-i malumun oldikda bir minval-i muharrir-i amel ve hareketle icra-yi levazim-i meham-i asinami ve fetanet ve ifa-yi müessir kar-güzari ve sadakate sarf ve hasil-i liyakat eyleyesin seneddn mukteza-yi memurin ve levazime-i kar-güzari ve dirayetin üzre serian ol canibe varub zikr olunan asakir-i redife-i sahanem alayinin bir vech-i mesruh mahallinde umur-i zabtiyeye memur olunan zabitanindan miada kafe-i zabitan ve neferat ve topcilarini marifet ve mübaseretin ve ferik-i müsarun ileyh muhabbetle heman yerli yerinden tahrik ve Kütahyaya celb itdirderek ve bir neferi noksan olmayarak cümlesinin serian der-saadetime isal ve esna-yi rahda iktiza iden tayinlerinin yedine ita olunan yol emr-i serifimde muharrer ve zan ve tenbihat vechle umur-i maliye memurlari ve meclisler marifet ve nazariyetle kazalar tarafindan ahz ve itasi ve yollarda bila mucib meks ve tevkif itdirilmek ve temas-i merkumeye tayinat hususunda muzayeka ve zaruret çekdirmek misillü vaz ve halet zuhura gelmemesi esbabinin istihsalina icra-yi mukteza-yi memuriyete mezidligi ve gayret ve hilafini tecvizden hazer ve mecaniyet eylemek babinda ferman-i alisanim sadir olmusdur buyurdum ki vüsul buldukda bu babda dem-be mesruh üzre seref-yafte-i sudur olan ferman-i vacib-ül-etba ve lazim-ül-imtisalimin mazmun-i itaat-makrun ile amel ve hareket eyleyesin söyle bilesin alamet-i serife itimat kilasiz tahririni evahir-i sehri Cemaziyelahir sene sitte ve hamsin ve mietin ve elf